• Solicitude de Celebración do Matrimonio Civil (unha vez consultada e seleccionada a data e hora da celebración).
• Os datos dos contraentes (DNI, pasaporte ou tarxeta de residencia dos contraentes).
• Os datos das testemuñas (DNI, pasaporte ou tarxeta de residencia das testemuñas).
• O auto do xulgado ou a acta notarial onde se comprobe que non existen impedimentos legais para a celebración da voda.

A documentación deberá presentarse no rexistro do concello cunha antelación mínima dunha semana á data prevista para a voda. A data e hora de celebración deberá concertarse previamente coa Secretaría de Alcaldía, persoalmente ou mediante chamada telefónica ao número de teléfono 981 704 100 (ext. 2001). 

Efectos do silencio: Non procede .

Pago de taxas: Non procede.

As persoas contraentes deben responsabilizarse da tramitación, coa antelación suficiente, do correspondente expediente no Rexistro Civil ou da instrución da acta notarial que acredite o cumprimento dos requisitos de capacidade e a inexistencia de impedimentos, ou o seu dispensa, de acordo co previsto no Código Civil.  

A instrución rexistral do expediente previo para a celebración de voda civil é competencia de: 

O Xulgado Encargado do Rexistro Civil ou Xulgado de Paz e/ou Rexistro Civil consular correspondente ao domicilio de calquera das persoas contraentes (Instrución do 26 de xaneiro, da Dirección Xeral dos Rexistros e do Notariado, sobre autorización do matrimonio civil polos alcaldes).  

A notaría do lugar do domicilio de calquera dos contraentes (Instrución do 3 de xuño de 2021, da Dirección Xeral de Seguridade Xurídica e Fe Pública, sobre a tramitación do procedemento de autorización de matrimonio ante notarios)  

O matrimonio debe celebrarse antes do transcurso do prazo dun ano desde a data da resolución de autorización do matrimonio.